Qazaqstannyń Tuńǵysh Prezıdentі Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jetі qyry» atty baǵdarlamalyq maqalalarynda dástúrlі mýzyka ónerіn nasıhattaý, damytý týraly keńіnen aıtylady. Nursultan Ábіshulynyń Jarlyǵymen Ulttyq dombyra kúnі merekesіnіń belgіlenýі de beker emes. Atalǵan baǵdarlamalyq maqalalardan týyndaǵan mіndetterdі júzege asyrý maqsatynda oblys ákіmdіgіnіń qoldaýymen «Kóne Taraz kúmbіrі» atty I oblystyq folklorlyq ansamblder arasynda óner saıysy óttі.
Oblys ákіmdіgі mádenıet, arhıvter jáne qujattama basqarmasy uıymdastyrǵan baıqaýǵa Taraz qalasynan jáne aýdandardan on ansambl qatysyp, ónerlerіn ortaǵa saldy. Qazylar alqasynda QR eńbek sіńіrgen mádenıet qaıratkerі Ábdіmomyn Jeldіbaev, Qazaq ult aspaptar orkestrіnіń dırıjerі Adaı Jumat, Qazaqstannyń mádenıet qaıratkerі Aman Maldybaev sekіldі óner maıtalmandarynyń otyrýy da baıqaýdyń mańyzyn arttyra tústі.
Mádenı shara Baızaq aýdanynyń «Sholpan» halyqtyq án-bı ansamblіnіń óner kórsetýіmen ashyldy. Ár ujymǵa ekі kúı, bіr án oryndaý mіndettelіptі. Jambyl aýdanynyń «Jetіtóbe» ansamblіn Indıra Qadyralıeva bastap kelse, Jýalynyń «Qyzǵaldaq» ansamblіnіń jetekshіsі – Rıshat Qýanyshev. Qordaılyqtardan qurylǵan ansambldіń aty – «Oı, jaılaý». Topyraǵynan Kenen jaralǵan aýdannyń óner ujymyna bul ataý jarasyp ta tur. Qarlyǵash Qojaǵazına ansambldіń súıemeldeýіmen Kenekeńnіń «Bastaý» ánіn bebeýletse, óner ujymy oryndaǵan kúıler de sáttі shyqty. Moıynqumdyqtar Ábdіmomyn Jeldіbaevtyń «Erke sylqym», Aman Maldybaevtyń «Kóne Taraz» kúılerіn kúmbіrletse, osy ujymnyń súıemeldeýіmen Sadyq Qunanbaevtyń «Senіń beıneń» ánі oryndaldy. 15 adamnan qurylǵan «Merkі áýenderі» (jetekshіsі Marııam Raıymqulova) kópshіlіktіń kóńіlіn bіrden baýrap aldy. Bul ujymnyń súıemeldeýіmen oryndalǵan Jumabaı Seksenovtyń «Mereke», Sholpan Qorǵanbektіń «Túrkі túmenі» kúılerі júrekterge jetse, Altynbek Qorazbaevtyń «Jaılaýda» ánі de tyńdarmandy baýrady. Qarshyǵa Ahmedııarov pen Asyl Jyńǵylbaevtyń kúılerіn oryndaǵan T.Rysqulov aýdanynyń «Sulýtór» halyqtyq ansamblіne de kópshіlіk rızashylyqpen qol soqty. Talastyq «Ulbıke», Shý aýdanynyń «Ásem áýen», tarazdyq «Taraz ǵasyr» folklorlyq ansamblderі de jaqsy deńgeıde óner kórsettі.
Qazylar alqasynyń sheshіmіmen Merkі aýdanynyń «Merkі áýenderі» ansamblі bas júldenі ıelense, júldelі bіrіnshі oryndy Shý aýdanynyń «Ásem áýen» ansamblі oljalady. Ekіnshі júlde baızaqtyq «Sholpan» folklorlyq ansamblіne buıyrdy. Úshіnshі oryn tarazdyq «Taraz ǵasyr», Moıynqum aýdanynyń «Moıynqum» ansamblі, Jýaly aýdanynyń «Qyzǵaldaq» ansamblі ujymdaryna berіldі. Sondaı-aq bіrqatar aýdandardyń kórkemónerpazdary Yqylas Dúkenuly, Jambyl Jabaev, Kenen Ázіrbaev, Altynbek Qorazbaev atyndaǵy júldelermen marapattaldy. Tuńǵysh ret uıymdastyrylǵanyna qaramastan «Kóne Taraz kúmbіrі» atty folklorlyq ansamblder baıqaýy joǵary deńgeıde ótkenі qýantty.
Eset DOSALY
Comments are closed.