Денсаулық сақтау министрлігі қазақстандықтарға коронавирус туралы SMS-хабарлама таратып жатыр, — деп хабарлайды Tengrinews.kz тілшісі.
Хабарламада жеке гигиена ережелері туралы нұсқаулар және коронавирусқа қарсы негізгі ұсыныстар жазылған. «Коронавирустың алдын-алу: қолыңызды жиі жуыңыз, қоғамдық орындарға бармаңыз, ауру адамдармен (ЖРВИ) байланысқа түспеңіз. ЖРВИ белгілері кезінде 103 нөміріне, сұрақтар бойынша 1406 нөміріне қоңырау шалыңыз», — делінген министрліктің алғашқы хабарламасында.
Соңғы мәлімет бойынша, Қазақстанда коронавирус жұқтырудың алты дерегі тіркелді, оның төртеуі — Алматыда, Нұр-Сұлтанда — екі жағдай. 1425 адам стационарлық карантинде, 496 адам үй карантинінде.
Comments are closed.