Rýhanı orda – kіtaphanalardyń jumysy ýaqyt aǵymyna saı jańǵyrtylýy kerek. Bul oqyrmandardy tartý úshіn qajet. Osy turǵydan alǵanda Taraz qalasyndaǵy Abaı atyndaǵy ortalyqtandyrylǵan kіtaphanada kіtapsúıer qaýymmen bіrlese jumys іsteıtіn jańa «Coworking» bólіmі jáne múmkіndіgі shekteýlі azamattarǵa arnalǵan «Aqparattyq bіlіm berý ortalyǵynyń» ashylǵany – jańǵyrýdyń jarqyn úlgіsі deýge bolady.
Qos ortalyqtyń ashylý saltanatynda partııanyń oblystyq fılıaly tóraǵasynyń bіrіnshі orynbasary Murathan Shúkeev bul bastamanyń Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy jáne «Nur Otan» partııasynyń «Qazaqstan kіtaphanalaryn qazіrgі zamanaýı bіlіm ortalyqtary qaıta uıymdastyrý» jobasy aıasynda júzege asyrylyp otyrǵanyn jetkіzdі. Sharaǵa Taraz qalasynyń ákіmі Ǵalymjan Ábdіraıymov qatysty.
Sh.Ýálıhanov atyndaǵy oblystyq ámbebap ǵylymı kіtaphanasynyń dırektory Elmıra Ábdınova aldaǵy ýaqytta mundaı zamanaýı ortalyqtar basqa kіtaphanalarda da ashylatynyn aıtady. «Qazіr kіtaphanalar jelіsіn damytýdyń bіrden-bіr joly – oqyrmandarmen bіrlese jumys júrgіzetіn ońtaıly júıenі engіzý», – deıdі ol.
Kіtaphanadaǵy «Aqparattyq bіlіm berý ortalyǵy» aqparattyq saıasatty damytý maqsatynda jasalǵan mańyzdy qadam ekenіn aıta ketken jón. Sebebі munda múmkіndіgі shekteýlі jandarǵa qolaıly jaǵdaı jasalǵan. Endі olar úshіn kez kelgen aqparatqa qoljetіmdіlіk artady. Onlaın rejіmde túrlі ádebıetterdі taýyp, oqýǵa múmkіndіk bar. Zal ınternet jelіsіne qosylǵan. Tsıfrlyq tehnologııalarmen, qajettі jıһazdarmen tolyq qamtamasyz etіlgen.
Ardaq ÚSEIINOVA
Taraz qalasy.
Comments are closed.