Күллi мұсылман баласы үшiн қасиеттi Рамазан айымен қимай қоштасатын күн де келіп жетті. Бүгін — Ораза айт мейрамы. Осы ретте ел ішінде Ораза айт мерекесі неше күн тойланады деген сұрақ туындайды. Бұл сауалға aqjolgazet.kz сайтының тілшісі Тараз қаласы бас имамының жауабын ұсынады.
«Бұл мейрам мұсылман қауымы үшін ең қасиетті саналатын екі ұлық мерекенің бірі. Ораза айт мерекесі біздің асыл дінімізде «кіші» мерекелердің бірі болып саналады. Сол себепті бір күн ғана тойланады. Ал, Құрбан айт мерекесі «үлкен» мереке ретінде танылып, 3 күн аталып өтіледі»,- дейді Тараз қаласының бас имамы Ержан Аманбаев.
Айта кетейік, биыл Құрбан айттың бірінші күні 17 маусымға сәйкес келіп тұр.
Comments are closed.