Биылдан бастап мемлекеттік ЖОО ректорлар сайлау арқылы тағайындалады, деп хабарлайды Baq.kz тілшісі. Бұрын жоғарғы оқу орындарының басшылары ҚР Білім және ғылым министрінің шешімімен тағайындалатын. Бұдан былай ашық конкурс түріндегі іріктеуді ғалымдар, бизнес, жергілікті атқару органдары және қоғам өкілдерінен құралған университеттің Қадағалау кеңесі өткізеді.
Бұл мемлекеттік ЖОО ректорларын сайлау ең алдымен лауазымға тағайындалудың айқындығы мен ашықтығын қамтамасыз етеді деп күтілуде. Бұдан бөлек, конкурстық іріктеу нәтижесінде ең жақсы деп табылған ЖОО-ның даму бағдарламасын қабылдауға мүмкіндік беретін болады.
ЖОО-ның Қадағалау кеңестерінің тізімдері қалыптасқандықтан олар университеттердің сайттарында ашық жарияланады. Мемлекеттік университеттердің ректоры лауазымдарына үміткерлерді іріктеу таяу кезеңде басталады.
Comments are closed.