Жамбыл облысының әлеуметтік-экономикалық дамуында оң динамика байқалуда – Е.Қарашөкеев
Жамбыл облысының әкімі Ербол Қарашөкеев Орталық коммуникациялар қызметі алаңында өңірдің әлеуметтік-экономикалық даму қорытындыларымен таныстырып өтті. Жалпы өңірлік өнім 2023 жылдың бірінші жартыжылдығында 1,3 трлн теңгені құрап, 6,1%-ға артты. Бұл — республика бойынша 8-орын.
«Экономика салалары бойынша, байланыс көлемі 2022 жылдың тиісті кезеңіне қарағанда 8,1%-ға, құрылыс жұмыстары — 11,1%-ға, сауда — 2,6%-ға, тұрғын үйді пайдалануға беру — 2,2%-ға, өнеркәсіп өндірісі — 0,6%-ға, көлік — 0,1%-ға артты», — деді спикер.
Өңдеу өнеркәсібі секторында облыстың мықты өнеркәсіптік негізін жедел дамыту және қалыптастыру басты міндет болып қалуда. Өңір экономикасындағы өнеркәсіптің үлесі 22%.
Есепті кезеңде өнеркәсіп өнімінің көлемі 695 млрд теңгеге дейін жеткізілді, онда өңдеу секторының үлесі 71%, өнім көлемі — 494 млрд теңге.
Тау-кен өндіру саласының көлемі 17,1%-ға ұлғайды. Өңдеу өнеркәсібі саласына 88 млрд теңге инвестиция тартылып, экспорт көлемі – 121млн АҚШ долларын құрады.
Comments are closed.