Сот үкімімен кінәлі деп танылып, бас бостандығынан айырылған азаматтар қоғамнан шеттетілмейді. Керісінше, олардың туған-туыс, ағайын-бауыр, бала-шағасымен тілдесуге жағдай қарастырылған. Соның бірі – жазасын өтеушілердің жақындарымен онлайн байланыс орнату.
Жуырда өңірлік Қылмыстық-атқару жүйесі департаментіне бағынысты №26 түзеу мекемесінде (қоныс колониясы) жазасын өтеүшінің бірі дәл осындай мүмкіндікке ие болды. Қылмыстық Кодекстің 346 бабына сәйкес кінәсі дәлелденген ер адам 2 жыл 6 ай мерзімге бас бостандығынан айырылған. Қоныс колониясында жазасын өтейтін ол «Skуре» жүйесі арқылы жақын туыстарымен сөйлесіп, амандығын білді. Өз кезегінде сотталған азаматтың туыстары бауырымен аз-кем тілдесуге мүмкіндік берген мекеме басшылығына алғысын жеткізді.
Comments are closed.