23 маусым – Мемлекеттік қызметшілер күнін мерекелеу қарсаңында Жамбыл облыстық мәслихаты аппаратында облыстық мәслихаттың хатшысы М.Сарыбековтің қатысуымен «Мәслихаттың бір күні» тақырыбында дөңгелек үстел отырысы ұйымдастырылып, мемлекеттік қызметшілердің күнделікті атқарып отырған жұмыстары туралы бейнеролик түсірілді. Әр маман қысқаша мағлұмат бере отырып, өзінің лауазымдық міндеттерін іс жүзінде көрсетті.
Сонымен қатар өзім ұжыммен Қазақстан Республикасының Мемлекеттік қызмет істері агенттігінің Жамбыл облысы бойынша департаментінің бастамасымен үстіміздегі жылдың 25-27 мамыры аралығында жүйеде жұмыс жүргізу сапасын арттыру мақсатында тәжірибелік оқу ұйымдастырылғаны туралы, оқу барысында көкейде жүрген сұрақтарға білікті мамандардан тұшымды жауаптар алынып, қорытындысында қатысушыларға практикалық курстан өткенін растайтын оқу сертификаттары салтанатты түрде табысталғаны туралы ойыммен бөлістім.
Әріптестерімді кәсіби мерекемен шын жүректен құттықтай отырып, атқарып отырған жұмыстарына шығармашылық табыс тіледім.
Жарылқасын Өнетаев,
облыстық мәслихат аппаратының
бас инспекторы.
Comments are closed.