Коронавирус індеті басталғаннан бері Қазақстан Республикасында 3 164 бала ауырды. Бұл туралы ОКҚ брифингінде Денсаулық сақтау вице-министрі Ажар Ғиният айтты.
«Биыл Қазақстанда 3 164 баладан COVID-19 диагнозы анықталды. Бұл республика бойынша жалпы науқас санының 2,7 пайызы. Оның ішінде 114 — жаңа туған нәресте. 1 810 балаға COVID-19 зертханалық расталмаған КВИ (-) диагнозы қойылған немесе ҚР-да барлық жағдайдың 4,8% . COVID-19-дан балалар қайтыс болған жоқ», — деді А. Ғиният.
Оның айтуынша, коронавирус инфекциясы кішкентай науқастардың 85% немесе 2 697 балада симптомсыз және жеңіл, 14,2% немесе 448 балада орташа деңгейде, ал 19 балада ауыр өтті, бұл барлық жағдайлардың 0,6% .
«Бүгінгі таңда COVID-19 шалдыққан 340 бала бақылауда, оның ішінде: жаңа туылған нәрестелер – 3, 28 күннен 18 жасқа дейінгі балалар – 337, ауруханаға жатқызылғандар – 55, амбулаториялық емдеуде – 285», — деп хабарлады Денсаулық сақтау вице-министрі.
Жеті балаға асқынған COVID-19 тән белгілері бар вирустық пневмония диагнозы қойылған, 3 пациенттен бактериялық сипаттағы пневмония анықталды.
Коронавирус инфекциясын жұқтырған 200 оқушы мамандардың бақылауында, сондай-ақ балабақшалардағы кезекші топқа барған 18 бала және интернаттан келген 21 бала бар.
«Жалпы Covid-19 жұқтырған 200 оқушы, сондай-ақ балабақшаның кезекші тобына барған 18 бала және интернаттан 21 бала бақылауда», — деді А.Ғиният.
2020 жылғы тамыздан республикада COVID–19-мен байланысты мультисистемалық қабыну синдромы (Кавасакиге ұқсас синдром) тіркеле бастады.
«Биыл 42 баладан мультисистемалық қабыну синдромы анықталды, қазіргі уақытта мұндай диагнозы бар пациент жоқ», — деді Денсаулық сақтау вице-министрі.
Халықаралық деректерді сараптау барысында (ЮНИСЕФ) COVID-19 жұқтырған балалар популяциясы толық зерттелмегені байқалады,-деді ол. Сонымен қатар, ДДСҰ мәліметтеріне сәйкес, зертханада расталған жағдайлардың 1-7% балаларға тиесілі, ал өлім-жітім басқа топтармен салыстырғанда төмен.
Жалпы, негізгі статистикалық деректерге қарасақ, бала туу көрсеткіші жақсарған, балалар арасындағы аурушаңдық пен өлім-жітім деңгейін төмендегені байқалады.
«2020 жылдың 9 айында жалпы 320 302 бала дүниеге келді, бұл 2019 жылдың сәйкес кезеңінде туылғаннан 5% көп. Биыл 9 айының қорытындысы бойынша 0-ден 18 жасқа дейінгі балалардың жалпы сырқаттанушылық көрсеткіші 15% төмендеп, 2019 жылдың 9 айымен салыстырғанда 100 мың балаға 56 682,7 ауруды құрады», — деп хабарлады А.Ғиният.
Барлық жастағы балалар жоғарғы тыныс жолдарының ауруына жиі шалдығады. Жедел деректер бойынша 0-17 жастағы балалар арасында жіті респираторлық вирустық инфекция37% төмендегені байқалады. Сондай-ақ, осы кезеңде балалар арасында тұмау 28% азайған. 2020 жылдың 9 айында пневмониямен жалпы сырқаттанушылық көрсеткіші 2019 жылдың сәйкес кезеңімен салыстырғанда 3,5% төмендеп, 100 мың балаға шаққанда 792,4 құрады.
Comments are closed.