АСТАНА. ҚазАқпарат — Эфиопияда Ethiopian Airlines әуе компаниясының Найробиге бара жатқан ұшағы апатқа ұшырады, деп хабарлайды «ҚазАқпарат» ХАА ТАСС агенттігіне сілтеме жасап.
Ұшақ бортында 149 жолаушы және сегіз экипаж мүшесі болған.
«Апат 08:44-те болды», — деп мәлімдеген компанияның өкілі.
Әуе компаниясының ресми сайты таратқан ақпаратқа сәйкес, ұшақта жалпы 157 адам болған, соның 149-ы — жолаушы.
«Алдын ала таратылған ақпараттар бойынша, ұшақ бортында 149 жолаушы және сегіз экипаж мүшесі болған. Қазір жолаушылардың тізімін анықтап жатырмыз» делінген хабарламада.
Boeing 737 лайнері Найробиге бара жатқанда Оромия өңірінде, Дебре-Зейт елді мекенінің маңында апатқа ұшыраған.
Comments are closed.