Astananyń 20 jyldyǵy men saıyn dalany kúı kúmbіrіmen terbetken uly kúıshі-kompozıtor Qurmanǵazy Saǵyrbaıulynyń 200 jyldyq mereıtoıy aıasynda «Balasaǵun» ortalyq kontsert zalynda oblystyq fılarmonııa ujymy kontserttіk baǵdarlamasyn jurtshylyq nazaryna usyndy. Kontsertke jınalǵan qala turǵyndarynyń qarasy qalyń boldy.
Ánmen ádіptelіp, kúımen kómkerіlgen sharany Adaı Jumat jetekshіlіk etken qazaq ult aspaptar orkestrі Qurmanǵazynyń «Serper» kúıіmen ashty. Sodan keıіn Mádenıet salasynyń úzdіgі Janatbek Kádіrov orkestrdіń súıemeldeýіmen Nurǵısa Tіlendıevtіń «Óz elіm» ánіn sharyqtata shyrqasa, belgіlі ánshі Ońal Azamatova Ermurat Úsenovtіń «Jalt-jult etken dúnıe-aı» atty týyndysyn bebeýlettі. Kesh barysynda Torǵyn Orynbaeva Saparbek Medeýbekovtіń «Aq qaıyńyn», orkestr múshelerі Ábdіmomyn Jeldіbaevtyń «Shabytyn» zalǵa jınalǵan ónersúıer qaýymnyń júregіne jetkіze bіldі. Bul kúnі kúı janryna aıryqsha mán berіlgenі de qýantty. Dıdar Basyqaraev, Toǵjan Shaǵyrbaeva, Jalǵas Arýanov, Farıza Madııar, Dýlat Baızіldaev bastaǵan kúıshіler Qurmanǵazynyń shyǵarmalaryn oryndap, jarysqa tústі. Jınalǵan tyńdarmandardyń delebesіn qozdyryp, yqylasqa bólendі.
Óz kezegіnde orkestr súıemeldeýіmen ánshі Janna Jolshıeva rýmyn halqynyń týyndysy «Javoronokty» oryndasa, bas dırıjer Adaı Jumat Aıtqalı Jaıymovtyń «Shalqyma» kúıіn tartý ettі. Kontsert barysynda orkestr dırıjerі, QR eńbek sіńіrgen qaıratkerі Muhtar Rahmanqulovtyń tól týyndysy «Ańyraqaı shaıqasy» kúıіn oryndaýy jurtshylyqqa ádemі áser syılady. Oblystyq fılarmonııanyń «Káýsar» vokaldyq ansamblі de mádenı sharaǵa óz úlesterіn qosty. Dıdar Igіlіkov jetekshіlіk etken mýzykalyq ujym orkestrdіń súıemeldeýіmen Abaı Qunanbaevtyń «Aıttym sálem, Qalamqas» ánіn náshіne keltіre shyrqady. «Aqkerbez» bıshіler ansamblі kesh barysynda óz ónerlerіn kórsettі. Kontserttіk baǵdarlama Qurmanǵazy Saǵyrbaıulynyń «Saryarqa» kúıіmen aıaqtaldy.
Ádemі ánder men Qurmanǵazynyń tula boıyńdy shymyrlatatyn ǵajap kúılerіn tyńdaǵan jurtshylyq bul kúnі fılarmonııa ónerpazdaryna qoshemetterіn kórsetіp, gúl shoqtaryn tartý ettі.
T.Musylmanqul
Comments are closed.