Гвардейск гарнизонында «Оңтүстік» өңірлік қолбасшылығына қарасты подполковник Даулет Какежановтың басшылығындағы 75263 әскери бөлімінде күзгі әскерге шақырушыларды, яғни жас сарбаздарды қарсы алу шарасы болып өтті.
Түркістан, Қарағанды облыстарынан шақырылған жас сарбаздар әскери бөлімге келген сәттен бастап әскери бөлімнің аумағымен, атап айтар болсақ өздері сабақ өтетін оқу корпусымен, кітапхана және де әскери асханамен таныстырылды. Жас сарбаздар мемлекеттік-қүқықтық дайындық, саптық дайындық және дене шынықтыру дайындығы сабақтарына қызу кірісіп кетті.
Әскери гарнизонның әскери полиция бөлімінің өкілдері келіп, жас сарбаздармен құқықтың заңдылық жайындағы жарғылармен таныстырып, сабақтар өткізді.
«Жалпыға бірдей әскери міндеттілік» туралы заңды негізге ала отырып, жас сарбаздарымыз әр түрлі ұлттың ер азамматтары болса да әлеуметтік жағдайына, біліміне қарамастан бір отбасының баласындай тату-тәтті әскери қызметтерін атқаратынына сенімдіміз.
Әскери бөлімнің офицерлері мен сержанттары — жас сарбаздарға әскери техниканы, жарғыларды зерделеуді, әскери қатаң тәртіпті, адалдыққа, төзімділікке, нағыз Отан қорғаушы азамат болуларына баулып, өздерінің кәсіби шеберліктерін үйретуден аянып қалмайды.
Жас сарбаздарымыз алдарына қойған мақсаттарына, анттарына адал болып, қиыншылыққа төзімді сарбаздар болары сөзсіз.
Капитан Асылжан Сапарбеков, 75263 әскери бөлімі
Comments are closed.