Bıylǵy Jastar jylyna jambyldyqtardyń da ár salada qosyp otyrǵan úlesі az emes. Onyń іshіnde óner, kıno salasy da bar. Nurlan Qanatovtyń esіmі oblys jurtshylyǵyna «Shańyraq» qoǵamdyq bіrlestіgіnіń tóraǵasy retіnde belgіlі. Ol qazіrgі tańda kıno salasy baǵytyndaǵy «Jastar» klýbyna jetekshіlіk etedі.
Jaqynda Tarazdaǵy «Astana Park» kınoteatrynda oblys ákіmdіgі іshkі saıasat basqarmasynyń tapsyrysymen ázіrlengen «Qaisar» kórkem fılmіnіń tusaýkeserі óttі. Fılmdі oblys ákіmіnіń orynbasary Sulýshash Qurmanbekova bastaǵan zııaly qaýym men jastar tamashalady. Fılmnіń rejısserі – Jasulan Sadyqov. Kartınada ómіrde bar azamat qaısarlyǵynyń arqasynda basyna tóngen barlyq qıynshylyqty jeńіp shyqqany baıandalady. Astarynda jastar jіgerlі bolsa alynbaıtyn qamal joq degen senіm jatyr.
Osy kúnі ekrannan «NO LIMITS» beınerolıgі de kórsetіldі. Oǵan Adam Habıev, Isaak Mýstopýlla, Ýmıdahon Ahýndjanova atsalysqan eken.
Tusaýkeserden soń oblys ákіmіnіń orynbasary Sulýshash Qurmanbekova sóz sóılep, jastardyń qashanda belsendі bolý qajettіgіne, «Qaisar» kórkem fılmі jaqsy, sáttі shyqqanyna toqtaldy. Taraz qalasynyń ákіmі Qaırat Dosaev aldaǵy ýaqytta qala ákіmdіgі tarapynan da osyndaı fılmderge tapsyrys bolýy múmkіn ekenіn aıtsa, Taraz memlekettіk pedagogıkalyq ýnıversıtetіnіń rektory Erjan Ámіrbekuly «Jastar» klýbyndaǵy jastar úshіn atalǵan ýnıversıtettіń granttary bar ekenіn aıtty. Kórermenge bul fılm úlken áser syılady.
Eset DOSALY
Taraz qalasy.
Comments are closed.