Студенттің өмірі…

Студенттің өмірі – ауыл жақты сағыну,
Универдің ішінде бар талапқа бағыну.
Сессияның кезінде, беріліп мол төзімге,
Кітапхана ішінен жиі-жиі табылу.

Студенттің өмірі – төрт жыл бойы сабылу,
Кей кездері қуанып, кей кездері жабығу.
Жетпей қалған балл үшін, білмегеннің бәрі үшін,
Сессияның кезінде апайыңа жалыну…

Студенттің өмірі – қызық-қызық бір асу,
Кітап ұстап қолыңа білім іздеп, қыр асу.
Оқытушыларды ұға алмаған сәттерің,
Соңғы курс келгенде қимастыққа ұласу.

Білім деген – құндылық, білім – алтын, пүліш қой,
Жақсы студент атану – ол да өзінше жұмыс қой.
Өзімізден де бәле бар, оқымаған адамның,
Алуға тиіс бағасы – әлсірген бір «үш» қой!

Ардақ Сапибулла,
М.Х.Дулати атындағы
ТарМУ-дың студенті.

Талас ауданы.

Comments are closed.

https://4store.com.ua/