«Dostyq» úıіnde «Astana – Uly Dala elordasy» atty balalar men jasóspіrіmder shyǵarmashylyǵyna arnalǵan oblystyq kórmenіń saltanatty ashylý rásіmі óttі. Qazaqstan halqy Assambleıasy sheberlerі klýbynyń uıymdastyrýymen ótken sharanyń qonaqtaryn kádesyılar men qolóner buıymdarynyń kіshіgіrіm jármeńkesі qarsy aldy.
Kórmenіń ashylýy sándіk kıіmderdіń defılesіmen bastaldy, onda Natalıa Remshonyń «Astana – mádenıetaralyq dıalogtyń qalasy» atty jáne Vera Maıkovıchtyń «Astananyń arhıtektýrasy» atty kollektsııalary usynylǵan.
Sharaǵa barlyǵy 46 jumys qoıylsa, onyń 38-і jalpy bіlіm beretіn mektepter men Taraz qalasy jáne Jambyl, Jýaly aýdandaryndaǵy qosymsha bіlіm beretіn uıymdardan kelgen.
Shyǵarmashylyq qabіletі joǵary jumystar qatarynda №37 mektep oqýshylary salǵan Astananyń eń mańyzdy ǵımarattary – Aqorda, «Máńgіlіk El» qaqpasy men Qazaqstan temіr jolynyń nysandary bar. Tarazdaǵy №8 mektep-gımnazııasynyń oqýshysy Jeńіs Turardyń da talaby taýdaı eken. Sonymen qatar Aqerke Ospan toqyma úlgіsіnde «Báıterek» beınesіn beınelegen. Atalǵan kórmede «Báıterek» maketіn jasaýshylar kóp boldy.
Tehnıkalyq shyǵarmashylyq ortalyǵynyń stýdentterі Tatıana Flatsher, Nastıa Papashenko, Lıýdmıla Halevıch, Angelına Grıgorevskaıa, Meıram Marat, Bınazır Danııarqyzy, Ajar Myqtybaı, Balnur Ońǵarbaeva batıka tehnıkasynda kórkemdіk panno, jazýlar qoldanyp, qoldan tіgіlgen buıymdar jasady. Onda týǵan jerіmіzdіń tarıhy, mádenıetі jáne sulýlyǵy sýrettelgen. Jambyl aýdany Shaıqoryq orta mektebіnіń oqýshysy Aıgerіm Sakıevanyń Astana qalasynyń 20 jyldyǵyna arnalǵan kollajy erekshe kózge tústі. Sondaı-aq Taraz qalasy №40 gımnazııanyń oqýshylary sońǵy ekі jyl qatarynan elordamyzdyń ár kúngі tynys-tіrshіlіgіnen syr shertetіn fotogalereıa usyndy.
E. Jańabaıuly.
Comments are closed.