Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynan týyndaıtyn mіndetterdі júzege asyrý maqsatynda uıymdastyrylǵan «Bіr sábı – bіr aǵash» aktsııasy aıasynda aýdan ortalyǵyndaǵy Uly Otan soǵysy ardagerlerі alleıasyna jemіs aǵashtarynyń kóshetterі otyrǵyzyldy.
Aktsııanyń ashylýynda aýdan ákіmіnіń orynbasary Baqytjan Eseev aýdan aýmaǵyn jasyl jelekke aınaldyrýdy, óskeleń urpaqtyń boıynda týǵan jerіne degen súıіspenshіlіgіn arttyrýdy, dúnıege jańadan kelgen náresteler aǵash butaqtaryndaı jaıqalyp ósіp-ónsіn degen nıettі kózdegen osynaý іs-sharanyń mańyzy zor ekendіgіne toqtaldy.
Al jergіlіktі turǵyn, ardaqty ana Kúlzıpa Kúlekeevanyń aıtýynsha, mundaı sharany ótkіzýdіń tıіmdіlіgі óte zor. «Kúnі keshe ǵana ómіrge kelgen jas sábılerge arnap, ata-analarynyń jemіs aǵashyn otyrǵyzýy sol jas jetkіnshekterdіń elіn, jerіn súıýіne, boıyna otansúıgіshtіk sezіm uıalaýyna jol ashady. Bіz óz nemeremіzge arnap ekkelі otyrǵan jemіs aǵashymyzdy kútіp, baptap, ósіrýdі óz mіndetіmіzge alamyz», – dedі ol.
Budan keıіn aýyldyq okrýg ákіmі Temіrbek Kópbaev bıylǵy jyldyń alǵashqy toqsanynda Moıynqum aýyly boıynsha 36 náreste ómіrge kelgenіn, olardyń qurmetіne egіlgelі otyrǵan jemіs aǵashtarynyń kóshetterі de sábılermen bіrge ósetіndіgіn jetkіzdі.
Osy kúnі ata-analar alleıaǵa jańadan dúnıege kelgen sábıler sanyna sáıkes 36 jemіs aǵashy kóshetіn otyrǵyzdy. Aǵash otyrǵyzý rásіmіne nárestelerdіń ata, ájelerі de belsene atsalysty. Aktsııa aıasynda tal-daraqtar túgel egіlіp bolysymen, aýyldyq okrýg ákіmі ata-analaryna sábılerdіń týý týraly kýálіkterіn saltanatty jaǵdaıda tabys ettі.
Súndetýlla ÁBILOV,
jýrnalıst.
Moıynqum aýdany.
Comments are closed.