Бағила

- Advertisement -

Әні мен сөзі Тәліпбек Шақбаевтікі.

Ерейментау, Алатаумен егіз бе едің,
Асқақтап көкке бойлап жұбын жазбай.
Арқадан самал ессе сені іздеймін,
Айырылған сыңарынан аққу-қаздай.

Қайырмасы:
Жұпар исің аңқиды-ау,
Ерейменнің гүлдері-ай.
Сағындым ғой сан қилы,
Бірге жүрген күндері-ай.
Бағила жаным, Бағила әнім,
Бағила жарым, Бағила әнім.

Қанжығалы қарт Бөгенбей туын тіккен,
Күн шалған биігінде желбірейді.
Мен едім Арқаның бір гүлін күткен,
Жүрегім сағынышпен елжірейді.

Қайырмасы:
Алып ұшқан Алатаудың құсы болып,
Көңілім, Ерейментау, өзің жақта.
Қанатым болса менің ұшып-қонып,
Жетер ем небір асу, төзіп отқа.

Т. Рысқұлов ауданы.