Христиандық дін өкілдерінің «Рождество» мерекесіне орай облыс әкімінің бірінші орынбасары Бекболат Орынбеков Тараз қаласындағы «Успения Божьей матери» провославтық шіркеуінде болды. Бекболат Серікбекұлы христиандық дін өкілдерін «Рождество» діни мерекелерімен құттықтады. Ол өз сөзінде бұл мереке миллиондаған жүрекке қуаныш сыйлап келе жатқанын, христиандық наным-сенімді қабылдаушылар үшін өте маңызға ие екенін, әр халықтың діни сенімін құрметтеу түрлі ұлт өкілдері арасындағы татулықты, достықты нығайтатынын атап өтті. Сондай-ақ, облыс әкімінің бірінші орынбасары елімізде халықтар достығының маңыздылығын, Елбасымыздың дана саясатымен мемлекетімізді Отанына балаған жүздеген ұлт өкілдері тату әрі ынтымақты ғұмыр кешіп жатқанын тілге тиек етті.
Содан соң «Успения Божьей матери» провославтық шіркеуінің протоиерейі Георгий әкей сөз алып, жиналған жамағатты «Рождество» мерекесімен құттықтап, облыс әкімінің бірінші орынбасарына алғысын білдірді.
Есет Досалы,
«Ақ жол».
Тараз қаласы.
Comments are closed.