WBA Super, IBF және IBO тұжырымдары бойынша орта салмақтағы әлем чемпионы Геннадий Головкин Дмитрий Биволды жеңісімен құттықтады.
Лас-Вегаста өткен жекпе-жекте ресейлік боксшы мексикалық Сауль Канело Альваресті төрешілердің бірауыздан қабылдаған шешімі бойынша жеңді.
«@bivol_d жеңісіңмен құттықтаймын! Бәрі айқын болды. Осы қалпыңнан тайма!», — деп жазды Головкин.
Мексикалық Сауль Канело Альварес пен ресейлік Дмитрий Бивол жекпе-жегіндегі төрешілер жазбасы жарияланды.
Бивол барлық үш карточкада төрешілер шешімі бойынша 115-113 есебімен басым түскен. Бұл ретте Альварес алғашқы төрт раундта жақсы нәтиже көрсеткен.
Соңғы, 12-раунд алдында Бивол бір ғана ұпаймен алға шықты — 105-104. Ал 12-раундта 10-9 есебімен жеңіске жетті.
Comments are closed.