Адамның бойы түрлі созылмалы аурулардың дамуына оның қаншалықты бейімділігін анықтайды. Мұны Потсдамда неміс Institute of Human Nutrition зерттеушілері анықтады. Ұзын бойлы адамдар обырға жиі шалдықса, керісінше оларда сусамыр, жүрек-қан тамырлары аурулары сирек кездеседі екен.
Гарвард денсаулық сақтау мектебіндегі әріптестерімен бірлесіп жасаған неміс ғалымдарының зерттеуі адамдардың бойының ұзындығы дене салмағы мен басқа да тәуекел факторларынан тыс кейбір жиі таралатын аурулардан болатын өлім-жітімге ықпал ететінін дәлелдеді.
Эпидемиологиялық деректер орташа бой 6,5 сантиметрге ұлғайған кезде жүрек-қан тамырлары ауруынан орын алатын өлім-жітім 6 пайызға төмендейтінін көрсетеді. Авторлардың айтуынша, бойдың өсуі жоғары калориялы, ақуызға бай тағамды көп тұтынудан болады.
Бұл денсаулық бағдарламасы ананың құрсағында болғанда, жасалып қояды. Адамның бойының өсуі 1 және 2 инсулин сияқты факторлармен қамтамасыз етілетінін атап өтеміз. Оның жүйесін белсендіру ағзаның инсулинге сезімталдығын арттырады. Ал бауырда май аз жиналады. Бойы ұзын адамдарда жүрек-қан тамырлары мен сусамыр ауруларының тәуекелі төмен болатыны осыдан.
Зерттеу авторлары дәрігерлерге осыны назарда ұстауға шақырады, деп жазады шетелдік БАҚ.
Comments are closed.