Эксклюзивті, 1 ғана данамен шыққан домбыраны швейцариялық ұсталар жасаған. Салтанатты таныстырылымы Астанада өткен қазақтың ұлттық аспабы толығымен алмазбен, алтынмен көмкерілген. Құны 50 мың еуро көлемінде.
«Домбыра ең мықты деген швейцариялық компанияда жасалды. Оған жаңғақтың ағашы, 24 караттық таза алтын, алмаз тастары қолданылды» деді «Empire» компаниясының президенті «Алтын домбыраны» таныстыру барысында.
Домбыра көлемі кәдімгі ұлттық аспабымыздың көлеміндей. Ұзындығы – 100 сантиметр, ені – 25 сантиметр. Бірақ, аспап күнделікті қолдануға арналмаған, сәндік бұйым ретінде жасалған. Әйткенмен, «Алтын домбыраға» зауыттан белгілі 3 әуен – «Үш қоңыр» (Н. Назарбаев, А. Қоразбаев); «Желсіз түнде жарық ай» (Абай), «Аққу» (Сүгір) енгізілген.
Компания басшылары домбыраны сатпайтындықтарын, оны Елбасы Нұрсұлтан Назарбаевқа тарту ететіндіктерін айтуда. Ал болашақта музыкалық аспаптардан қобызды жасап шығарулары мүмкін екендіктерін жеткізді.
«Ақ жол-Ақпарат».
видео informburo.kz
Comments are closed.