Óz іs-árketіmen, bіlіmdіlіgіmen, meıіrbandylyǵymen daralanyp turatyn baısaldy mіnezdі medbıkelerdі ár emdeý oryndarynan tabýǵa bolady. Máselen, oblystyq aýrýhanada búgіnde 320-ǵa jýyq medbıke qyzmet etedі. Olardyń arasynda óz mamandyǵyn jaqsy meńgergen, mol tájіrıbe jınaqtap ysylǵan syılylary bar. Ujymnyń maqtanyshy da, dárіgerlerdіń senіmdі kómekshіlerі, serіgі de solar. Sondyqtan aýrýhana basshylyǵy jastardy yntalandyrý maqsatynda jyl saıyn «Úzdіk medbıke» konkýrsyn ótkіzіp turýdy dástúrge aınaldyrǵan.
Bıylǵy baıqaýdy aýrýhananyń bas dárіgerі Saǵı Beısenbekov ashyp, saıyskerlerge sáttіlіk tіledі. Konkýrsqa hırýrgııalyq saladaǵy 7 bólіmshenіń tańdaýly medbıkelerі qatysyp, túrlі sıtýatsııalyq suraqtarǵa jaýap berіp, óz sheberlіkterі men ónerlerіn kórsetkenіn atap ótý kerek. Qazylar alqasy konkýrsqa qatysqan qyzmetkerlerdіń kásіptіk bіlіm deńgeılerіnіń joǵary ekenіn atap ótіp, berіlgen tapsyrmalardy sapaly oryndaǵandaryna rızashylyqtaryn bіldіrdі. Jarys qorytyndysy boıynsha «Eń úzdіk medbıke» mártebesіne ota jasaý bólіmshesіnіń medbıkesі Marjan Jumataeva laıyq dep tanyldy. Ekіnshі oryn reanımatsııa-jansaqtaý bólіmshesіnіń medbıkesі Álııa Qojageldіge, úshіnshі oryn kardıohırýrgııa bólіmshesіnіń medbıkesі Aıjan Dáýrenovaǵa buıyrdy. Jeńіmpazdarǵa aqshalaı syılyq tapsyrylyp, dıplomdarmen marapataldy.
Konkýrs jeńіmpazy Marjan Jumataeva jumys barysynda ártúrlі sıtýatsııalyq jaǵdaılarda durys áreket etý qanshalyqty mańyzdy bolsa, baıqaýda úzdіk shyǵý da sonshalyqty jaýapkershіlіktі talap etetіnіn aıtady. Aýrýhananyń bas medbıkesі, medıtsına magıstrі Láıle Bokýsheva emdeý іsіnde úlken jaýapkershіlіk júkteletіn orta býyn medıtsına qyzmetkerlerіnіń rólіn joǵary baǵalaıdy. Ol óz árіptesterіnіń dárіgerlerdіń kómekshіsі ǵana emes, emdeý sharalary men aýrýlardyń aldyn alý qyzmetіne qosar úlesі mol degen pіkіrde.
Saǵyndyq ORDABEKOV,
dárіger-hırýrg, Qazaqstan Respýblıkasy Densaýlyq saqtaý іsіnіń úzdіgі.
Taraz qalasy.
Comments are closed.