Селфиге түсу едәуір жеңілдей түсті. Испанияда WeOn атты стартап күнге киетін көзілдірікпен селфиге түсіруді ойлап тауыпты.
Бұл үшін тек көзілдірікті киіп, оның жақтауының оң жақ шетіндегі қос тетікті бассаңыз жетіп жатыр. Сол кезде сіз смартфоныңызды басқарып, селфиге түсе аласыз. Тіпті оның барысында смартфоннан 60 метрге дейін қашықтауға болады, деп жазады 24.kz.
«Селфиге түсудің жолын өзгерткіміз келеді. Ал көзілдірік — біз үшін үйреншікті зат, біз оны кез келген жерде киіп жүре аламыз. Сол себепті біз монопод немесе селфи-таяқша сынды сорайған құралдан арылу үшін көзілдірікке кіріктірілген осындай құрылғыны ойлап таптық», — дейді WeOn компаниясының негізін қалаушылардың бірі.
WeOn көзілдірігінің әйнегі құрамында жоғары сапалы линзалары бар өте мықты, бірақ жеңіл поликарбонаттан жасалған, деп жазады espanarusa.com.
Ақпарат көзі: ҚазАқпарат.
Comments are closed.