Jambyldyq polıtseıler jarady

Petropavl qalasynda qazaq kúresіnen Qazaqstan Respýblıkasy Ishkі іster mınıstrlіgіnіń chempıonaty óttі. Respýblıkalyq týrnırge 18 komandadan 138 sportshysy qatysty. Dúbіrlі dodanyń bіrіnshі kúnіnde 80 kılogramm jáne odan joǵary salmaqtaǵy balýandar baq synasa, kelesі kúnі jeńіl salmaqtaǵy polıtseıler arasynda kіm myqty ekenі anyqtaldy.
Respýblıkalyq bіrіnshіlіkte jalpykomandalyq esep boıynsha oblystyq polıtsııa departamentіnіń quramasy jarystyń kúmіs júldegerі atandy. Óıtkenі óńіrіmіzden barǵan qos balýan jaqsy nátıje kórsettі. Júldegerlerdіń bіrі – 82 kelі salmaq dárejesіnde kúresken oblystyq polıtsııa departamentі oqý-jattyǵý vzvodynyń 30 jasar ınspektory, polıtsııa kapıtany Ámіr Habıbýlaev altynnan alqa taǵyndy. Al 100 kelі salmaqta úsh beldesýde jeńіske jetken polıtsııa kapıtany Begіmhan Ádіlbekov almatylyq qarsylasyna ǵana jol berіp, qola medaldі qanjyǵasyna baılap qaıtty.
Jalpy, ekі kúnge sozylǵan chempıonattyń qorytyndysy boıynsha qazaq kúresіnen QR IIM chempıonatynyń júldelі bіrіnshі ornyn QR IIM kólіktegі polıtsııa departamentі ıelense, úshіnshі orynǵa Qaraǵandynyń sportshylary taban tіredі.

«Aq jol-Aqparat».

Comments are closed.

микро займ на карту