Суарессіз – Уругвай! Плей-офф кезеңіндегі уругвайлықтардың Колумбия құрамасына қарсы өткізген кездесуі футбол тарихында осындай атпен қалатын шығар, сірә. 1/8 финалында Суарестің жоқтығы айқын білініп қалды. Уругвайлықтар колумбиялықтарға есе жіберді.
Суарес – тәртібі болмаса, ойын техникасы жағынан басқа футбол жұлдыздарынан кем түспейтін футболшы. Міне, енді уругвайлық «жұлдыздың» ойланбай жасаған әрекеті оның құрамасы үшін қымбатқа түсті. Тәртіп бұзамын деп, командасын саптан шығарды. Колумбия құрамасының ендігі матчы бразилиялықтарға қарсы өтеді.
Ардақ Үсейінова,
«Ақ жол».
Comments are closed.