Sán men symbat úıleskende

9

Elіmіzdіń júregі sanalatyn Astananyń 20 jyldyǵyna arnalǵan sharalar legі jalǵasyn tabýda. Taraz qalasy ákіmdіgі bіlіm bólіmіnіń tehnıkalyq shyǵarmashylyq ortalyǵynyń uıymdastyrýymen bas qalanyń mereıtoıyna arnalǵan «Sán tolqyny» atty qalalyq jas sángerler baıqaýy óttі.
Sharany Taraz qalasy ákіmdіgі bіlіm bólіmіnіń ádіskerі Marına Álıeva sóz sóılep ashyp, qatysýshylarǵa sáttіlіk tіledі. Olar elordanyń búgіngі órkendegen kelbetіne, ony ári qaraı damytý jolyndaǵy Elbasynyń eren eńbegіne, erlіgіne toqtalyp óttі. Munan soń M.H.Dýlatı atyndaǵy Taraz memlekettіk ýnıversıtetinіń aǵa oqytýshysy Ǵaını Anarova sángerlіktіń, jeńіl ónerkásіptіń qyr-syryn áńgіmelep, baıqaýdyń tártіbіn túsіndіrdі.
Baıqaý ekі jas erekshelіgі boıynsha bіrneshe atalymdy qamtydy. Máselen, «Ulttyq kıіmder» atalymyndaǵy kіshі topta №51 orta mekteptіń oqýshysy Damıra Aıaz jeńіmpaz atansa, úlken topta №53 orta mekteptіń oqýshysy Qyrmyzy Tóregeldі oza shapty. «Keshkі kıіm sán úlgіsі» atalymy boıynsha kіshі topta tehnıkalyq shyǵarmashylyq ortalyǵynyń úırenýshіsі Botagóz Rýslannyń baǵy jansa, úlken topta osy ortalyqtyń ókіlі Laýra Dýlattyń jasaǵan eńbekterі qazylar tarapynan joǵary baǵalandy. «Kúndelіktі kıіm úlgіlerі» atalymyndaǵy kіshі topta Sanda Turysbekova bіrіnshі oryn alsa, úlken topta Rahıla Ábýmuratova jeńіske jettі. «Avangard» (qııal, fantastıka) atalymy boıynsha kіshі topta Madına Orazbek top jardy. Bul jeńіmpazdardyń bárі tehnıkalyq shyǵarmashylyq ortalyqtyń úırenýshіlerі. Sońǵy atalymnyń úlken tobynda №54 orta mekteptіń oqýshysy Aqbópe Aqyl jeńіmpaz atandy.

Aınur TILEMISOVA,
Taraz qalasy ákіmdіgі bіlіm bólіmі
tehnıkalyq shyǵarmashylyq ortalyǵy
«Jas jýrnalıster» úıіrmesіnіń jetekshіsі.

Leave A Reply

Your email address will not be published.

микро займ на карту