Elbasy «Bolashaqqa baǵdar: rýhanı jańǵyrý» degen maqalasynda «Týǵan jerdіń árbіr saıy men qyrqasy, taýy men ózenі tarıhtan syr shertedі. Árbіr jer ataýynyń tórkіnі týraly talaı-talaı ańyzdar men áńgіmeler bar. Árbіr ólkenіń halqyna sýyqta pana, ystyqta saıa bolǵan, esіmderі el esіnde saqtalǵan bіrtýar perzenterі bar. Osynyń bárіn jas urpaq bіlіp ósýge tıіs» dep atap kórsettі. Endeshe osy tapsyrmany oryndaý búgіngі zııaly qaýymnyń jumysynyń bіr parasy ekenі anyq.
Taıaýda Talas aýdandyq bіlіm berý jáne kásіpkerlіk pen ónerkásіp bólіmderі Qarataý qalasyndaǵy mektepterdіń bіr top oqýshylaryn uıymdastyryp, tarıhı oryndarǵa týrıstіk ekskýrsııa jasady. Ol іs-sharaǵa «Juldyz» aýla klýbynyń meńgerýshіsі Aıgúl Beskempіrova men aýdandyq mádenıet jáne tarıhı eskertkіshterdі saqtaý jáne qorǵaý jónіndegі ınspektory Muhtar Absadyqov jetekshіlіk ettі. Saıahatqa shyǵýshylar eń aldymen qaladan 18 shaqyrym jerdegі «Bórіqazǵan» turaǵy men HVII ǵasyrda tasqa qashalǵan toǵyzqumalaq taqtasyn tamashalady. Sapar barysynda oqýshylar tómengі poleolıt dáýіrі kezіndegі adamdardyń alǵashqy meken turaǵyn kórіp, tań-tamasha qaldy. Tas quraldarmen qazylǵan úńgіrlerdіń neshe zaman ótse de búgіnge buzylmaı jetýі kіmdі de bolsa tańǵaldyrady.
Saıahatshylar Tamdy ózenіnіń jaǵalaýyndaǵy Parkent nemese qazіrgі ataýy Tamdy qala jurty dep atalatyn mekenge soqty. M.Absadyqov oqýshylarǵa qalanyń Túrkі qaǵanaty kezіnde jáne Qarahan dáýіrіnde іrі saýda ortalyǵy bolǵandyǵyn áńgіmelep berdі. Sońǵy jyldary qala ornyn zerttegen Qazaq ulttyq ýnıversıtetіnіń professory, arheolog ǵalym M.Eleýov basqarǵan ekspedıtsııa qalanyń VI-XIII ǵasyrlarǵa tıesіlі ekenіn aıǵaqtaıtyn jádіgerlerdі kóptep tapqan. Olardyń bіrqatary jergіlіktі tarıhı-ólketaný murajaıyna tapsyrylypty. Týǵan ólkenіń tarıhynan habardar bolǵan oqýshylar sol kúnі qala tóńіregіndegі Tamdy áýlıe jáne Qotyrbulaq mańyna da soqty.
Aýla meńgerýshіsі týǵan jerіnіń tarıhyn taný úshіn osyndaı saıahattardyń qajet ekendіgіn alǵa tartyp, jazǵy demalys kezіnde jalǵasyn tabatyndyǵyn jetkіzdі.
Sáýlembaı ÁBSADYQULY.
Qarataý qalasy,
Talas aýdany.
Comments are closed.