Халқымыздың тыныштығын сақтайтын,
Сарбазымыз егеменді елдің біз.
Ел сенімін, ер сенімін ақтайтын,
Жалғасымыз Бауыржандай ердің біз.
Ұстайтұғын көкте туын биік қып,
Ержүрек ер қиындықты талғамас.
Ел намысы, ер намысы – жиі ұқтық,
Отан үшін еш қаймықпай, алға бас!
Дайынбыз біз ел намысын қорғауға,
Көзіміздің қарашығы секілді ұқ.
Қасиетті жерімізді қорлауға,
Жол бермеуге белді будық, бекіндік.
Сапқа тұр тез, кезең келді оянар,
Сарбаз, бізге артып отыр ел сенім.
Қанқұмарлар өз қанына боялар,
Қара ниет, зұлымдықпен келсе кім!
Шайхан ХАМЗАҰЛЫ.
Тараз қаласы.
Comments are closed.