Бүгін футболдан Еуропа лигасының топтық кезеңіне жолдама беретін плей-офф ойындарының қарымта матчында ел чемпионы «Астана» сырт алаңда БАТЭ командасымен кездеседі.
Бұл ойын Беларусь елінің Борисов қаласында өтеді. Кездесу Астана уақыты 00:00-де басталады. Кездесуді «Қазақстан» ұлттық арнасы тікелей эфирден көрсетеді.
Спорт мамандары бұл ойында «Астана» командасының бас бапкері Станимир Стойлов негізгі құрамға мына футболшыларды шығаруы мүмкін деп айтып отыр: Қақпада Ненад Эрич тұрса, қорғаныс шебін Абзал Бейсебеков, Марин Аничич, Юрий Логвиненко, Дмитрий Шомко, Игорь Шитов құрайды. Сондай-ақ Рохер Каньяс, Неманья Максимович, Патрик Твумаси, Агим Ибраими, Джуниор Кабанангалар бірінші минуттан ойынға араласады деп күтілуде.
Айта кетейік, алғашқы ойын 2:0 есебімен «Астананың» пайдасына шешілген болатын.
Ақпарат көзі: Baq.kz
Comments are closed.