Қазақстанда биыл 23,8 млн гектар алқапқа ауыл шаруашылығы дақылдары егіледі. Бұл туралы Үкімет отырысында Ауыл шаруашылығы министрі Айдарбек Сапаров мәлімдеді.
«Бидайға 13,3 млн гектар егістік алаңдары бөлінген. Майлы дақылдар алаңын 385 мың гектарға ұлғайту жоспарлануда, бұл жалпы егіс алаңын 3,2 млн гектарға дейін жеткізуге мүмкіндік береді. Оның ішінде күнбағыс сияқты әлеуметтік маңызы бар дақыл алаңын 60 мың гектарға ұлғайтып, 1,2 млн гектарға дейін жеткізілмек. Мақта алқаптары 16 мың гектарға, күріш алқаптары 6,4 мың гектарға қысқаруы мүмкін», — деді министр.
Айта кетейік, жаппай егіс науқаны биыл мамыр айының екінші онкүндігінде басталады.
/фото CaspianLife сайтынан алынды
Comments are closed.