Былтыр күзге жоспарланған ХІХ Азия және Азия Паралимпиада ойындары ағымдағы жылдың 22-28 қазан күндері Қытайдың Ханчжоу қаласында өтеді. Осылайша, аспан асты елі байрақты бәсекені екінші рет өткізу мүмкіндігіне ие болып отыр. Еске салсақ, 2010 жылы ойындарды Гуанчжоу қабылдаған болатын.
Байрақты бәсекеде біздің өңірдің спортшылары да өнер көрсетеді деп сенеміз. Ол үшін ең әуелі ел біріншілігінде топ жаруы шарт. Өзгесін айтпағанда, олимпиадалық спорт түрлерінен сынға түсетін саңлақтарымыз оқ бойы озық шығады деген үміт мол. Солай болған күнде, көк Байрағымыздың Париж төрінде желбіреуіне мүмкіндік туатыны сөзсіз. Өткен жылы оқу-жаттығу жиындарында аянбай тер төккен біздің жігіттер бұл жылы да босаңси қоймас. Лайым, жеңісті күндеріміз көп болғай!
Есен ӨТЕУЛІ
Comments are closed.