Әлем чемпионы Геннадий Головкин нашар қарсылас таңдадың деп өзін сынағандарға үн қатты. Боксшы өзі үшін жеңіл жекпе-жектер болмайтынын айтты.
«Білесіз бе, бұл өмір. Әр күн қауіпті (күледі). Бокс бұл ойын емес. Бір соққы өмірді өзгертуі мүмкін, қалжыңсыз. Әр жекпе-жек қауіпке толы. Өз басым «О, бұл әлсіз жігіт, нашар қарсылас» дейтіндерді және осы сарында әңгіме айтатындарды түсінбеймін. Олар рингке шықпайды ғой. Рингте чемпионмен бір-екі раунд тұрып көріңізші, көп нәрсені түсінесіз», — деді GGG ашық жаттығу кезінде.
Еске сала кетейік, Головкин мен Альварес биыл 5 мамырда реванш өткізуі тиіс болған. Алайда мексикалық боксшы екі рет допинг-тесттен өтпей қалды. Ол тыйым салынған заттардың ет арқылы түскенін айтып, 3 сәуірде Головкинмен жұдырықтасудан ресми түрде бас тартты.
Енді 5 мамырда Геннадий америкалық Ванес Мартиросянға қарсы жекпе-жек өткізіп, титулдарын қорғайтын болады.
Дереккөз: baq.kz
Comments are closed.