Қазақстан Республикасының Мемлекеттік хатшысы Әділбек Жақсыбеков Қазақстандағы Француз Республикасының Төтенше және Өкілетті Елшісі Франсис Етьенмен оның өтініші бойынша кездесті, деп хабарлады Ақорданың баспасөз қызметі. «Кездесу барысында Қазақстан мен Франция арасындағы әскери-техникалық ынтымақтастық, сондай-ақ 2014 жылдың екінші жартысында біздің елімізге Франция Президенті Франсуа Олландтың ресми сапарына әзірлік мәселелері талқыланды», делінген баспасөз баянында. Кездесуге Франция Елшілігінен әскери атташе Кристиан Бартлен, сондай-ақ «Airbus grup Kazakhstan» бас директоры Сильвер Делоне қатысты.

Ақпарат көзі: www.kazinform.kz