22 тамыз күні аса көрнекті мемлекет және қоғам қайраткері Дінмұхамед Қонаевтың өмірден озғанына 25 жыл болды. Айтулы күнге орай Тараз қаласындағы Д.Қонаев көшесінің бойына орналасқан тау тұлғаның ескерткішіне гүл шоқтарын қою рәсімі өтті. Республиканың бұрынғы көшбасшысына тағзым етуге келгендер арасында облыстық ардагерлер кеңесінің төрағасы Еркінбек Солтыбаев, Тараз қаласы әкімінің орынбасары Кенжебек Олжабай, қалалық ардагерлер кеңесінің төрағасы Алдияр Түсіпов, облыстың Құрметті азаматы Баттал Жаңабай және ардагерлер кеңесінің мүшелері, Д.Қонаев атындағы қор өкілдері мен қоғамдық ұйымдардың жетекшілері болды. Гүл шоқтарын қоюға беттеген топты облыстық ардагерлер кеңесінің төрағасы Еркінбек Солтыбаев пен Тараз қаласы әкімінің орынбасары Кенжебек Олжабай бастап, қайраткердің ескерткішіне тағзым етті. Осы күні бір топ жамбылдық ардагерлер мен зиялы қауым өкілдері Алматы қаласының іргесіндегі ипподромда демалыстағы генерал Аман Шабдарбаевтың ұйымдастыруымен өткізілген Д.Қонаевты еске алуға арналған үлкен іс-шараға қатысты. Онда олар тай және аламан бәйгелерін тамашалап, Н.Нүсіпжанов, А.Қоразбаев, Т.Жаманқұлов бастаған белгілі өнер иелерінің әндеріне қол соқты. Іс-шара соңында Д.Қонаевтың әруағына ас беріліп, құран бағышталды.
Есет ДОСАЛЫ
Суреттерді түсірген Юрий Ким.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді