Ұлттық домбыра күніне орай Жамбыл Жабаев ескерткішінің алдында «Домбыра – халық мұрасы!» атты мәдени іс – шара болды, – деп хабарлайды «Zhambylnews» AA. Домбырашылар облыстың мақтанышы, белгілі күйші, композитор Әбдімомын Желдібаевпен бірге «Ерке сылқым», ҚР Мәдениет қайраткері Аман Молдыбаевпен «Көне Тараз» күйін және Құрманғазы Сағырбайұлының «Балбырауын», Түркештің «Көңілашар» күйлерін орындады. Аталған іс-шарада ҚР Еңбек сіңірген қайраткері Мұқтар Рахманқұлов, «100 жаңа есім» жобасының жеңімпазы Ерлан Бақтыгерей және Халықаралық конкурстардың лауреаты Адай Жұмат домбырашыларға дирижерлік етті. 300 – ге өнерпаз жұртшылықты Ұлттық домбыра күнімен құттықтап, Тараз қаласын ән мен күйге бөледі.

ақпараткөзі:zhambylnews.kz