Бүгін Астанадағы телекөпір барысында Президент Нұрсұлтан Назарбаев онлайн режімде «Қорғас-Шығыс қақпасы» АЭА құрғақ портының құрылысына рұқсат берді.

«Жұмысты бастаңыздар, біз оның жүзеге асырылуын күтіп отырмыз. Себебі, бұл жоба арқылы шығыстан, Тынық мұхиты өңірінен, Қытайдан тауарлар контейнерлермен Қазақстан және Еуропа бағытында тасымалданғанда, ол Қазақстанның логистикасының маңызды бекеті деп санаймыз. Сонымен қатар осы арқылы жүк тасымалдау ұзақтығын қысқартып, еліміз үшін үлкен мүмкіндіктер жасайды. Сіздерді бұл жұмыстың басталуымен құттықтаймын»,- деді Елбасы.

Ақпарат көзі: www.kazinform.kz