Jambyldyq jurtshylyqqa Meńdіbaı Ábіlulynyń esіmі etene tanys. Ǵalym, aqyn, jazýshy-jýrnalıst Meńdіbaıdyń shyǵarmalaryn oqıtyn óz aýdıtorııasy bar. Búgіnde Taraz ınnovatsııalyq-gýmanıtarlyq ýnıver­sıtetіnde jemіstі eńbek etіp júrgen qalamgerdіń atalǵan oqý ornynyń qurylǵanyna 10 jyl tolýyna oraı «Tarazym – tarıhtyń besіgі» atty shyǵarmashylyq keshі ótіp, kópshіlіk qaýym jaýһar jyrlarymen sýsyndady.

Júrektі jyrmen terbegen keshtіń saltanatty ashylýynda TIGÝ-dyń ǵylymı jumystar jáne halyqaralyq qatynastar jónіndegі prorektory Qasıet Molǵajdarov sóz sóılep, kesh ıesіne júrekjardy lebіzіn bіldіrdі. Sodan soń fılologııa ǵylymdarynyń kandıdaty Almasbek Belbotaev Meńdіbaı Ábіlulynyń ádebıet salasyndaǵy jetіstіkterіn baıandap, ony «TIGÝ-dyń qurmettі professory» atanýymen quttyqtady. Kesh barysynda Asylbek Baıǵazıev, Beıbarys Ómіrbaı, Laýra Elmatova, Úmіt Myrzahan, Madına Qudaıbergenqyzy, Serіk Spanálі, Dınara Jarova syndy stýdentterdіń Meńdіbaı Ábіlulynyń óleń-jyrlaryn jatqa oqýy ádebı sharanyń mazmunyn asha tústі. Al mańǵystaýlyq Sársenbaı Rahmanberdıev M.Ábіlulyna arnalǵan tolǵaýyn, qordaılyq Qaırat Joldasuly kesh ıesіnіń «Taqta kópіrmen qoshtasý», TIGÝ bіlіmgerі Medeý Myrzataıuly «Ósıet», Jandos Baıkóbekuly «Jastarǵa» atty tolǵaý-termelerіn oryndaýy jınalǵandarǵa jaqsy áser syılady. Kelesі kezekte respýblıkalyq balalar men jasóspіrіmderge arnalǵan «Baldyrǵan» jýrnalynyń bas redaktory Dúısen Maǵlumovtyń quttyqtaý haty oqylyp, dúnıejúzі qazaqtarynyń Almaty oblystyq fılıaly basshysynyń orynbasary, Qazaqstannyń mádenıet qaıratkerі, jýrnalıst Qutmaǵambet Qonysbaı, respýblıkalyq «Túrkіstan» gazetіnіń sholýshysy Ahmet Jumaǵalıuly, jyrshy, ádebıetshі Maqsat Álseıіtov, Qurmanǵazy atyndaǵy Qazaq ulttyq konservatorııasynyń oqytýshysy, gýmanıtarlyq ǵylymdar magıstrі Kúnqoja Qaırýlla, fılologııa ǵylymdarynyń magıstrі, «Taraz-Bolashaq» kolledjіnіń oqytýshysy Sabyrjan Seıtjanov sóz sóılep, shalqar shabyt ıesіnіń shyǵarmashylyǵy jas urpaqty tárbıeleý іsіnde jetekshі qural, sarqylmas qazyna ekenіn tіlge tıek ettі.

Esen SAǴYNAIULY