Апталап жолда жүретін жолсеріктердің жұмысының жеңіл емесі айтпаса да түсінікті. Ал әйел баласы үшін бұл кәсіптің қиындығы мен жауапкершілігі тіпті ерекше. Жолсерік Гүлмира Жәнібековамен сөйлескенде біз осыған көз жеткізе түскендей болдық.
Гүлмира Расылханқызы – «жолсеріктер әулетінен» шыққан қазақтың қайсар қыздарының бірі. Әкесі Расылхан Жәнібеков пен анасы Сейсекүл Өтеулиева осы салада еңбек етіпті. Әкесі дүниеден ертерек озған. Ал Сейсекүл ана осы мамандықтың майталманы атанып, құрметті зейнеткерлікке шығып, ақжаулықты әже атанып отырған жайы бар. Гүлмираның осы саланы таңдауына анасының ықпалы болыпты. Шойынжол көлігінің ресторан-вагонында жолсерік-асханашы болып еңбек ететін ол жолда жүруді ұнатады. Бір қызығы, қазір ол анасы талай жыл еңбек етіп, зейнетке шыққан вагонда қызмет жасауда. Он екі жылдан бері осы вагонның белді қызметкерлерінің бірі. – Анам зейнетке шыққан жылы осы вагонға жұмысқа орналастым. Бұл тек керемет сәйкестік. Анамның үмітін ақтап, соның абыройлы еңбек жолын жалғастыруға барымды салып жүрмін. Жолаушылардың көңіл-күйі жақсы болу үшін сапалы қызмет көрсетуге тырысамын. Бала кезден жолда жүріп, еліміздің кең даласын аралағанды жанымдай жақсы көретінмін, бүгін сол арманымның орындалғанына шүкір деймін, – дейді Гүлмира. Гүлмира Расылханқызы тек жайдарлы жолсерік қана емес, үш балаға тәрбие беріп отырған аяулы ана. Үлкен ұлы қаржы саласында еңбек етіп жүрсе, кіші ұлы мен қызы – мектеп оқушылары.
Жанғазы АХМЕТ
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді