8 наурыз – Халықаралық әйелдер күні қарсаңында облыс әкімінің орынбасары Ғалымжан Әбдірайымов 107 жастағы кейуана Жібек Тұрғынтаеваның шаңырағында болды. Ж. Тұрғынтаева 1911 жылы дүниеге келген. Небір зобалаң заманды басынан өткерген ол жастайынан ересектермен қатар қызылша алқабында еңбек еткен. Ұлы Отан соғысындағы жеңіске қосқан үлесі үшін бірнеше мерекелік медальдармен марапатталған. 10 құрсақ көтерген Жібек әжейдің 20 немересі, 30 шөбересі мен 7 неменесі бар. Мерекеге орай ақ тілегін білдірген Ғалымжан Райылұлы кейуанаға зор денсаулық тілеп, бағалы сыйлығын табыстады.