Қазақстан халқы наурыз айында, мереке күндерін қосқанда, 13 күн демалады.

Биыл 8-наурыз мерекесі бейсенбі күнге тура келеді. 9-наурыздағы жұмыс күні Үкімет қаулысымен 3-наурыз, сенбіде өткізіледі. Осылайша, қазақстандықтар 8-наурыздан 11-іне дейін – төрт күн демалады. Бұл бес күндік еңбек аптасымен жұмыс істейтіндерге қатысты. Еңбек кодексі 85-бабының 3-тармағына сәйкес, мереке күндері жұмыс уақытын тиімді пайдалану мақсатында Үкімет демалыс күндерін басқа жұмыс күндеріне өткізуге құқылы. Наурыздың 21-інен 23-іне дейін – сәрсенбі, бейсенбі, жұма күндері елде Наурыз мейрамы тойланады. Демек, қазақстандықтар ол аптада қатарынан бес күн, ал жалпы 4, 17, 18 және 31-наурыздағы демалыс күндерін қоса есептегенде, Қазақстан халқы көктемнің алғашқы айында 13 күн демалады.