Серік Негимов, филология ғылымдарының докторы, профессор:

– Біз кейде орысша айтамыз ғой бәрін. Орысша қабылдап, орысша сөйлеп, оған діни сипат беріп деген сияқты. Негізі, бұл өзімізге етене таныс аяз, қорқатын, үрейленетін ештеңе жоқ. Қазақ деген өзі өте сезімтал, нәзік, сондай бір реңктерді айыратын, сергек әрі елгезек халық қой. Табиғатпен етене болған соң құбылыстарды да терең біліп, зерттеп отырған. Мәселен, бізде ең қатты аязды үш түрге бөлген. Ол – сарышұнақ аяз, ақшұнақ аяз және қызылшұнақ аяз. Міне, осы жайында мен 1997 жылдан бері Ақмолада үлкен ақсақалдардан ылғи сұрайтынмын. Бәрі ұмытыңқырап қалған ба, естен шығарып алған ба, үш аяздың ішіндегі ең күштісі, мықтысы қайсысы дегенде бәрі де шамалас дейді. Сондықтан бүгінгі аязға үшеуі де келетін сияқты.

Inform.kz