«Қазгидромет» РМК оңтүстіктегі төрт облыста ауа райының күрт суытатыны туралы ескерту жариялады. 24-29 қаңтар аралығында Алматы, Жамбыл облыстарында, 26-29 қаңтар арасында Оңтүстік Қазақстан мен Қызылорда облыстарында ауа температурасы төмендеп, түнде 15-20 градус аяз (кей жерлерде 25-30) түседі. Біртіндеп ол 20-25 градусқа дейін (кей жерлерде 30-35) жетуі мүмкін. Дауыл тұру ықтималдылығы – 95 пайыз.