Қазақстан Президентінің баспасөз қызметі Нұрсұлтан Назарбаевтың Өзбекстанға мемлекеттік сапары барысында қазақстандық Геннадий Головкин мен мексикалық Сауль "Канело" Альварестің жекпе-жегін көріп отырған сәтінің суретін жариялады, - деп хабарлайды Tengrinews.kz тілшісі. "Нұрсұлтан Назарбаев Өзбекстан Республикасындағы мемлекеттік сапары кезінде тікелей эфир арқылы Лас-Вегаста T-Mobile аренасында өткен қазақстандық боксшы Геннадий Головкиннің жекпе-жегін көрді", - делінген Ақорданың Facebook желісіндегі парақшасында. Айта кетейік, бүгін Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды. Сондай-ақ, кейінірек жекпе-жектің толық видеосы жарияланды.

ақпарат көзі tengrinews.kz