«Мерейлі отбасы – 2017» облыстық байқауына Жамбыл ауданының атынан қатысқан Өнербековтер отбасының өнегесі мен тәлімі өзгелерден ерек болғаны анық. 7 ұл мен 4 қызынан 43 немере, 32 шөбере сүйіп, бүгінде толыққанды бақытқа кенеліп отырған Құтжан ата мен Анаркүл әжейдің берекелі шаңырағына сүйсіне қарайтындар аз емес. Құтжан қария КСРО Жоғарғы кеңесінің шешімімен «Еңбек ері» медалімен, Ұлы Жеңістің 65, 70 жылдығына орай арнайы медальдармен марапатталған. Ал «Алтын алқа» иегері Анаркүл әжейдің бала тәрбиесіндегі, қазақтың салтын дәріптеп, тәрбиесін танытудағы еңбегі орасан. Ауданға қарасты Тастөбе ауылында үшінші буынға мұра болып келе жатқан «Құтжан» шаруа қожалығының төңірегінде топтасып, «бір жағадан бас, бір жеңнен қол шығарып», бірлік пен берекеде тіршілік етіп отырған отбасы кім-кімге де үлгі, бүгінгі жас отбасыларға айнымас өнеге. Жастары сексеннен асқан Құтжан ата мен Анаркүл әжейдің үлкен ұлдары Райымбектің өзі 60 жасқа жақындап қалса, ең кіші қыздары Наташа қырыққа қадам басқалы тұр. Балаларының барлығы да өз кәсіптеріне адал азаматтар. Мерейлі отбасының мерекесі мен берекесі тарқамасын дейміз!
Жамбыл ауданы.
Маржан РАҚАЙ, «Ақ жол».
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді