АСТАНА-БУРАБАЙ. ҚазАқпарат - Мемлекет басшысы Нұрсұлтан Назарбаев ҚР Президенті жанындағы Шетелдік инвесторлар кеңесі аясында «Қазақстанның 2010-2014 жылдарға арналған индустриялық бағдарламасындағы шетелдік инвестициялар» атты көрмеде болды.

Көрме Ақмола облысының Бурабай кентінде өтуде, деп хабарлады Ақорданың баспасөз қызметі.

Көрмені аралау кезінде Мемлекет басшысы «Абу-Даби Плаза», «Астана ЭКСПО-2017», «Көк жайлау» тау курорты» және Алматы медициналық орталығы тәрізді жобалардың жүзеге асырылу барысымен танысты.

Сонымен қатар Қазақстан Президентіне Щучинск-Бурабай курорттық аймағын дамыту және қала сыртындағы Borovoe country club коттедж кентінің, гольф-клубтың, сондай-ақ, Назарбаев Университетінің ғылыми-зертханалық кешенінің жобалары көрсетілді.

Ақпарат көзі: www.kazinform.kz