ҚР Президентi Нұрсұлтан Назарбаев VII Астана экономикалық форумы қатысушыларын құттықтады.

«Құрметтi форумға қатысушылар, ханымдар мен мырзалар бiздiң елордамыз, елiмiздiң жас қаласы – 15 жастағы Астанамызға қош келдiңiздер. Ол бiздiң тәуелсiз Қазақстанның соңғы жылдардағы өсiмiнiң нышаны болып табылады. Бiздiң форумымыз аймақтық пікірталас алаңынан халықаралық экономикалық өмiрдiң әйгiлi iс-шарасына айналды. Форум идеясы жаңа ғана Петр Стоянов айтқан 2013 жылдың қыркүйегiнде Қазақстанның «Үлкен жиырмалық» саммитiнде қатысуы барысында ұсынылған», - деп атап өтті Мемлекет басшысы.

Президенттің айтуынша, 150 елдегі 4 миллион пайдаланушының басын қосып отырған G-GLOBAL ғаламдық диалогтың виртуалды алаңы сәттi жұмыс iстеуде.

«Бұл форум 150 елден 10 мың қатысушыны жинап отыр. БҰҰ қолдауымен Астана экономикалық форумы аясында II Дүниежүзілік дағдарысқа қарсы конференция өттi. Бұл форумның аясында өте көп мәселелер қамтылған. Мен форумға қатысушылардың барлығына Қазақстанға өз уақытын бөлiп келгені үшiн ризашылығымды бiлдiремiн», - деп толықтырды Н.Назарбаев.

 Ақпарат көзі: www.bnews.kz