Мемлекеттік хатшы Гүлшара Әбдіқалықова Отан қорғаушы күнін және Ұлы Отан соғысындағы Жеңістің 71 жылдығын мерекелеу қарсаңында Қазақстан Республикасы Қарулы Күштерінің Ұлттық әскери-патриоттық орталығына барды. Іс-шараға мемлекеттік органдардың басшылары, еңбек ардагерлері, Қарулы Күштердің офицерлері қатысты. Қарулы Күштердің Ұлттық әскери-патриоттық орталығын Қазақстан Президенті 2015 жылы 1 желтоқсанда ашты. Ұлттық әскери-патриоттық орталық құрылымына Әскери-тарихи мұражай, Орталық әскери оркестр және Орталық ансамбль кіреді. Мемлекеттік хатшы Қарулы Күштердің Әскери-тарихи мұражайының экспозицияларымен танысты. Сондай-ақ жоғары оқу орындарының студенттерімен, «Жас Ұлан» республикалық мектебінің және әскери-патриоттық клубтардың тәрбиеленушілерімен, Астана қаласы орта мектептерінің оқушыларымен кездесу өткізді. Кездесуде Қазақстан Республикасын одан әрі дамыту және өркендетуге бағытталған «Мәңгілік Ел» патриоттық актісін іске асыру аясында өскелең ұрпақты әскери-патриоттық бағытта тәрбиелеудің өзекті мәселелері талқыланды. Кездесуге қатысушылар Қорғаныс министрлігінің елдегі ардагерлер қоғамдастығымен, өскелең жастармен және жаңа қазақстандық патриотизмге тәрбиелеу жөніндегі құзырлы мемлекеттік органдармен тиімді өзара іс-қимылын қамтамасыз ету тұрғысында пікір алмасты. Кездесу соңында Мемлекеттік хатшы жас ұрпақтың әскери-патриоттық тәрбиесін жетілдірудегі басымдықтарды айқындап, Отан қорғаушы күнімен және Ұлы Отан соғысындағы Жеңістің 71 жылдығы мерекесімен құттықтады.
Ұқсас жаңалықтар
Жетінші бесжылдықтағы жаңашылдық жаршылары
- 20 тамыз, 2024
Архивтің жетпіс жылдық жұмысын бір-ақ жылда тындырған
- 8 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді