Алдағы үш күнде Қазақстанға 40 градустық ыстық қайта оралады, деп хабарлады «Қазгидромет» РМК.

«30 шілде – 1 тамыз аралығында Қазақстанның басым аумағында жауын-шашынсыз ауа райы болады деп күтілуде. Ауа температурасы қайтадан +30…37º-қа дейін көтеріледі. Елдің  батысында, орталығы мен оңтүстігіндегі кей жерлерде +38…42º болады», – делінген сәрсенбі күнгі хабарда.

Бұл ретте салқын атмосфералық ауа ағымы тек жақын күндерге ғана Қазақстанның солтүстігі, шығысы және оңтүстік-шығыс облыстарына салқын ауа мен өткінші жауын әкеледі.