Еліміздегі ең ірі киностудия «Қазақфильмнің» жұмысшылары жаппай қысқартылуы  мүмкін. Тіпті, кей бөлімдер тұтастай жабылу қаупі бар деп хабарлайды 31 арна.

80 жылдық тарихы бар киностудияның бір жыл бұрын 49 пайыздық акциясы  жеке тұлғалардың иелігіне жартылай, яғни жекешелендіруге қойылған.

Жылдық бюджеті бірнеше есе қысқарған киностудия жуырда «Қазақ елі» тарихи сериялының түсіріліміне қатысты да дауға қалған.

Мекеме басшылары мен заңгерлері қысқартуға қатысты қандай да бір ақпарат беруге дайын еместігін жеткізді. Тек ауызекі сөйлесу кезінде бұл жағдай қайта құрылымдауға байланысты деп қана түсінік берді.

Ал қызметкерлерге тамыз айында жұмыстан босайтындары туралы хабарлама таратылған. Жақында жұмыстан босайтын қызметкерлердің өздері  де пікір білдіруден бас тартты.