Қазақстанның солтүстігі, шығысы мен орталығында жаңбыр жауады деп күтілуде, деп хабарлайды Қазгидрометке сілтеме жасап Қазақстан жаңалықтары.

«Батыс Сібірді жайлаған, циклонға байланысты қалыптасқан, суық атмосфералық фронт — таяу арадағы екі тәулікте Қазақстанның солтүстік, орталық және шығыс облыстарында найзағайлы және екпінді желі бар өткінші жаңбыр жаудырады», — делінген ауа райы болжамында.

Ал республиканың батыс, оңтүстік және оңтүстік-шығыс облыстарында жоғары атмосфералық қысым аясының әсерінен ыстық және жауын-шашынсыз ауа-райы сақталады.

Тек Алматы облысының таулы аудандарында ғана өткінші баяу жаңбыр жауып өтеді.